გასულ კვირას, მრავალწლიანი იმედისმომცემი სპეკულაციების შემდეგ, Sony-ს Santa Monica Studio-მ განაცხადა, რომ ის God of War-ის ორიგინალურ ტრილოგიას განაახლებს (გააკეთებს რიმეიქს). კრატოსის ორიგინალური ხმის მსახიობმა, T.C. Carson-მა, კამერის წინ გამოჩენისას თქვა, რომ პროექტი განვითარების „ძალიან ადრეულ“ ეტაპზეა, და რომ ჩვენ მოგვიწევს ცოტა ხანს კიდევ დაველოდოთ ჩვენს კითხვებზე პასუხებს. კითხვები კი მრავლადაა. იქნება ეს გრაფიკული განახლება Bluepoint-ის Demon’s Souls-ის მსგავსად, თუ ხელახლა ვეწვევით საბერძნეთს ნორდიკული დუოლოგიის კონტროლითა და გადამუშავებული გეიმდიზაინით? თუ ეს უკანასკნელი, ეყოლება თუ არა კრატოსს თანამგზავრი პანდორას ტაძარში და ბედის კუნძულზე? გამოჩნდება თუ არა მჭედელი NPC მოსალოდნელ ადგილებში ჯავშნისა და იარაღის განახლებისთვის? შეგვეძლება თუ არა ხტუნვა და ფრენა, როგორც ორიგინალურ თამაშებში? და რა ბედი ეწევა იმ სექს-მინი-თამაშებს? ეს უკანასკნელი კითხვა თითქმის ხუმრობად ჟღერს, მაგრამ გულშემატკივრები, რომლებმაც ის დასვეს, როგორც ჩანს, სრულიად სერიოზულები არიან. „ჯობია, აფროდიტე არ ამოიღოთ“, – აფრთხილებს ერთ-ერთი ყველაზე პოპულარული კომენტარი PlayStation-ის ოფიციალურ YouTube არხზე გამოქვეყნებულ განცხადების ვიდეოზე, რაც God of War 3-ის განსაკუთრებით გრაფიკულ მინი-თამაშს გულისხმობს. „ნუ გაასენსორებთ ორიგინალურ მასალას“, – წერია ერთ-ერთ, ამ სტატიის დაწერის მომენტში – 256 პასუხიდან იმავე კომენტარზე. „ნუ გააფუჭებთ.“ გულშემატკივრების ეს მიჯაჭვულობა ამ მინი-თამაშებზე გასაგებია და არა მხოლოდ ფრენჩაიზის თავდაპირველი სამიზნე დემოგრაფიის გამო. ისინი, უკეთესად თუ უარესად, ისევე არიან ბერძნული საგის ნაწილი, როგორც ქაოსის პირები (Blades of Chaos), და ჩნდებიან ყველა ძირითად თამაშში, Ascension-ის გარდა. ორი პორტატული თამაშიც კი, Chains of Olympus და Ghost of Sparta, შეიცავს მათ ვერსიებს: ერთი ატიკაში, სპარსელებთან ბრძოლის დროს, მეორე კი სპარტაში, ბორდელში. ისინი ასევე თავისი დროის პროდუქტია, დროის, როდესაც როგორც მოთამაშეები, ასევე თამაშების დეველოპერები ძირითადად მამაკაცები იყვნენ, თითქმის არ ექცეოდა ყურადღება ქალების წარმოჩენის ხერხს, და hack and slash ჟანრის თამაშები ზოგადად სიამოვნებას იღებდნენ ყოველივე ვულგარული, სისხლიანი და მოზარდული ასაკის შესაფერისი რაღაცებისგან. მაგრამ მას შემდეგ დრო შეიცვალა, და ეს ცვლილება ღრმაა. ოდესღაც თავისთავად ცხადად მიჩნეული, დღეს ეს მინი-თამაშები უცხოდ გამოიყურება. ისინი ალბათ ბერძნული საგის ერთადერთი ასპექტია, რომლის დამატებასაც დეველოპერები ნანობენ, და ამიტომ გაუგებარია, დაბრუნდებიან თუ არა ისინი ტოგებთან, სანდლებსა და ციკლოპებთან ერთად. პირადად მე გამიკვირდება, თუ დაბრუნდებიან. Santa Monica Studio, როგორც ჩანს, 2013 წლიდანვე გულაცრუებული იყო ამ მინი-თამაშებით, როდესაც Ascension-ზე მომუშავე გუნდმა გადაწყვიტა არ ჩაერთო ისინი – შესაძლოა უკუკავშირის საპასუხოდ, შესაძლოა აფროდიტეს მონახულების შემდეგ პოსტორგაზმული სიცხადის გამო. იმ თამაშში, კრატოსის სავალდებულო ვიზიტი ბორდელში კატსცენაშია ნაჩვენები, და იქაური ქალები ერთ-ერთი ფურიის მიერ შექმნილ ილუზიად იქცევიან. ამავდროულად – და გთხოვთ, მომისმინეთ – მე ნამდვილად მგონია, რომ მათ თავისი ადგილი აქვთ ბერძნულ თამაშებში, ყოველ შემთხვევაში, კონცეპტუალურად. უხეშ ხუმრობაზე მეტად, ყოველთვის ვთვლიდი, რომ ისინი ხელს უწყობდნენ საგის ისტორიასა და თემებს. პირველ God of War-ში, სექს-მინი-თამაში – ისევე როგორც ის ნაწილი, სადაც გალიაში გამომწყვდეულ ჯარისკაცს წვავთ პანდორას ტაძარში პროგრესის მისაღწევად, ან გემის კაპიტანს სიკვდილს მიუსჯით მისი გასაღების აღების შემდეგ – მორალური ორაზროვნების სასურველ განცდას მატებს. ის გვიჩვენებს, რომ კრატოსი არ არის ტრადიციული გმირი და ვარაუდობს, რომ მისი არესის მოკვლის მისიის უკან უფრო მეტი დგას, ვიდრე ოჯახის შურისძიების სურვილი. თუ მისი საყვარელი, გარდაცვლილი ცოლის ხილვები ასე აწუხებს, როგორ შეეძლო მას სხვა ქალებთან დაწოლა? ყოველ შემთხვევაში, ეს გამიელვა თავში, როდესაც პირველად შევხვდი ამ მინი-თამაშს. როგორც God of War 2, ასევე ტრილოგიის ფინალური ნაწილი ნათლად აჩვენებს იმას, რასაც პირველი თამაში მხოლოდ გულისხმობდა: რომ კრატოსის შურისძიება არ არის სამართლიანობისთვის ბრძოლა, არამედ მკვლელობისა და განადგურების საბაბი, მხოლოდ მკვლელობისა და განადგურების გულისთვის. ორივე თამაშში, მინი-თამაშები ხელს უწყობს მისი დაცემის ასახვას სადიზმისა და ნიჰილიზმისკენ. God of War 3-ში, მაგალითად, აფროდიტეს პალატებში შედიხართ მისი ქმრის, ჰეფესტოსის მოკვლისთანავე; ტრაგიკული, საბოლოო ჯამში კეთილგანწყობილი პერსონაჟი, რომელიც ამ მომენტამდე თქვენი ერთადერთი მოკავშირე იყო, ათენასა და მისი ფარული მოტივების მიუხედავად. ყოველ ნაბიჯზე, დეველოპერები ხაზს უსვამენ, რომ კრატოსს არაფერი ადარდებს, გარდა საკუთარი, ყველაზე დაბალი სურვილების დაკმაყოფილებისა. ამ ეტაპზე, ვნება და სისხლისღვრა ერთადერთია, რისთვისაც ის ცოცხლობს, და ეს არ შეიცვლება მანამ, სანამ ფეის არ შეხვდება და ატრეუსის მამა არ გახდება. ბერძნული საგის ვნებიანობა გარკვეულწილად შესაფერისიც კი ჩანს, თუ მის საწყის მასალას გავითვალისწინებთ. კრატოსის სამყაროში ჩაქსოვილი უძველესი მითები სავსეა სექსით, ისევე როგორც ბერძნულ-რომაული ვიზუალური კულტურა, რომელმაც Santa Monica Studio-ს ნიჭიერი კონცეფტ-არტისტები შთააგონა. სიყვარულისა და სილამაზის ქალღმერთი არ არის ერთადერთი, ვისაც მკერდი გამოუჩნდება: კრატოსი, ზევსი, ჰადესი – ყველა, ადამიანი თუ ურჩხული, შიშველფეხა და შიშველმკერდია, მათი სხეულებრივი ნაკვთები ისევეა გამოძერწილი, როგორც მეტროპოლიტენის მუზეუმის მარმარილოს ქანდაკებები. ყველაზე მნიშვნელოვანი, ალბბათ, ისაა, რომ მინი-თამაშები ხელს უწყობს ბერძნული თამაშების მეტა-კომენტარის წარმოჩენას – კომენტარის, რომელიც მთელ...